Grein þýdd og umorðuð frá www.naturalnews.com
Bisphenol A eða BPA er hormónatruflandi efni sem finnst meðal annars í miklu magni í dósamat. Þetta er kemískt efni sem er notað til að herða plast og er notað mikið í plastflöskur, pela og einnig sem fóðrun inn í dósir. BPA líkir eftir kvenhormóninu estrógeni og hefur sterklega verið sýnt fram á með fjölda rannsókna að það hafi hormónatruflandi áhrif og sé sérstaklega skaðlegt fyrir æxlunarfæri og heila.
Í rannsókninni sem var samstarfsverkefni nítján umhverfishópa, þekkt undir nafninu National Workgroup for Safe Markets, og var niðurstaðan að magn BPA í dósum frá sama framleiðanda gat verið mjög mismunandi. Sem dæmi má nefna að í dósum með grænum ertum frá Del Monte mældist magnið allt frá 36 til 138 mg í hverjum skammti. Hátt magn BPA hefur einnig verið tengt breytingum í blöðruhálskirtli samkvæmt dýrarannsóknum.
Rannsakendur lögðu áherslu á að óléttar konur skyldu frekar neyta ferskra ávaxta og grænmetis heldur en úr dós.
Núna hafa þegar fimm fylki í Bandaríkjunum bannað notkun þess í sumar, þó ekki allar barnavörur.
Heimild
Með tilliti til aukinnar ófrjósemi í heiminum í dag er þetta efni meðal margra sem pör og karlmenn sérstaklega ættu að forðast. Þá ættu óléttar konur að huga vel að því sem þær borða á meðgöngu til að minnka notkun skaðlegra efna. En það er ekki bara í matnum okkar sem ýmis skaðleg efni leynast, heldur líka í hárvörum, snyrtivörum, baðvörum, ilmvötnum og fleira. Góð regla er að skilja innihaldslýsingar á vörum sem notaðar eru og að varan sé sem hreinust eða án aukaefna. Þá er hugsanlegt að þessa estrógen hormónatruflandi efni hafi sérstaklega slæm áhrif á frjósemi karla hjá núverandi og komandi kynslóðum. Eins er talið að plastefni geti haft slæm áhrif á ýmis konar vandamál svo sem legslímuflakk og fjölblöðrueggjastokka.
BPA er bara eitt þeirra fáu skaðlegu plastefna sem ber að varast. Plastefni er að finna í svo mörgu í umhverfi okkar án þessa að fólk geri sér grein fyrir því. Plastefni eru númeruð frá 1-7 og stendur yfirleitt í þríhyrning neðan á vörunni úr hvaða númeri plastið er framleitt. Hér fyrir neðan er tafla með yfirliti yfir merkingar á plastefnum og hverja ber að varast.
Þá má bæta við að fyrir utan að fóðrunin innan í plastdósunum sé slæm, þá er álið ekki mikið skárra, sérstaklega er varðar frjósemi.
Einfaldasta leiðin til að forðast hættuna á plastefnum er að nota glerílát eins mikið og hægt er.
|
Númer plasts og heiti |
Dæmi um almenn not |
Ráðleggingar |
|---|---|---|
|
1 – PET Polyethylene Terephtalate |
Plastflöskur, matarkrukkur, snyrtivöruílát |
Þetta plast virðist vera OK sem EINNOTA ílát. Endurtekin notkun eykur líkur á smitun á plastefnum og bakteríuvexti í íláti |
|
2 – HDPE High density polyethylene |
Innkaupapokar, hreinsivöruumbúðir, mjólkur og djúsumbúðir. |
Virðist vera öruggt |
|
3 – PVC Polyvinyl chloride |
Garðslöngur, kapaleinangrun, kjötumbúðir. |
Forðist. Gjarnan kallað Eitraða plastið. Inniheldur mörg skaðsemleg eitur |
|
4 – LPDE Low density polyethylene |
Sterkir pokar, brauðpokar, vatnsbrúsar, matarplast. |
Virðist vera öruggt |
|
5 – PP Polypropylene |
Lyfjaumbúðir, pokar í morgunkornsumbúðum, sogrör, snakkpokar. |
Virðist vera öruggt |
|
6 –PS Polystyrene |
Umbúðir utan um geisladiska, plasthnífapör, frauðmatarumbúðir og kaffiílát. |
Forðist Getur lekið styrene sem er mögulega krabbameinsvaldandi. Er mögulega hormónatruflandi. |
|
7 – Annað PC Polycarbonate |
Barnapelar, kælivökvaumbúðir, bílavarahlutir. |
Varist Hætta á Bisphenol A leka sem virðist valda skemmdum á litningum. |