Grein þýdd og stytt frá www.thegrocer.co.uk
Söluhæsti illgresaeyðir í heimi og genabreyttur maís getur valdið krabbameini, innyflaskemmdum og ótímabærum dauða samkvæmt nýrri rannsókn sem er sú fyrsta sem skoðar langtímaáhrif þessa maís og illgresaeyðis á heilbrigði.
Vísindamenn sem rannsökuðu Monsanto Roundup illgresaeyðirsins og NK603 genabreytta Roundupþolna maísinn fundu að jafnvel minnsta magn af ofanverðu olli brjóstakrabbameini og alvarlegum lifrar- og nýrnarskemmdum í rottum á einungis 4 mánuðum í karldýrum og 7 mánuðum í kvenndýrum.
“Þessi rannsókn sýndi fram á óeðlilegan fjölda krabbameinsæxla sem voru mjög aggresíf og þróuðust hratt. Ég er gáttaður á hinum gríðarlega neikvæðu áhrifum á heilsu.” Sagði Dr. Michael Anoniou, sameindalíffræðingur við King’s College í London og meðlimur CRIIGEN, sjálfstæðrar rannsóknarstofnunnar sem fjármagnaði rannsóknina.
Allt að helmingur karlrottanna og 70% af kvennrottunum sem fengu maísinn og illgresaeyðirinn dóu fyrr en eðlilegt gat talist og á 24. mánuði hafði 50-80% af kvennrottunum myndað stór krabbameinsæxli, allt að 3 á hvert dýr.
Genabreytt uppskera hefur verið leyfð til manneldis á forsendum rannsókna þar sem dýrum er gefið genabreytt matvæli í 90 daga. En 3 mánuðir hjá rottum er samsvarandi við það sem myndi teljast unglingsár hjá mannfólki. Í langan tíma hafa verið háværar kröfur um að rannsaka langtímaáhrif genabreyttra afurða á heilbrigði.
Rannsóknin sem var framkvæmd við háskólann í Caen og birt var í vísindatímaritinu Food and Chemical Toxicology sýndi að maísinn og illgresaeyðirinn olli svipuðum skaða á heilbrigði nagdýranna hvort sem þeirra var neytt saman eða í sitthvoru lagi. Rannsóknarteymið fann einnig út að jafnvel minnsta magn af Roundup illgresaeyðirs, sem féll langt undir leyfilegum mörkum í drykkjarvatni, olli alvarlegum skaða á heilsu.
85% af maís sem vex í Bandaríkjunum er genabreyttur og 70% af unnum matvælum frá Bandaríkjunum innihalda genabreytt innihald.
Heimild:
Monsanto Roundup weedkiller and GM maize implicated in ‘shocking’ new cancer study
Þetta er sorgleg frétt og hún sýnir hversu óvarlega er farið með notkun á genabreyttum matvælum og hversu ótímabært það er að leyfa þau. Ég hef sagt það ítrekað hér á Heilsusíðunni að genabreytt matvæli er líklegast stærsta, einstaka hættan sem steðjar að okkur mannfólkinu og náttúrunni í dag.
Þetta sýnir einnig hversu mikið stórfyrirtæki geta blekkt almenning, fræðimenn og stofnanir með sviknum rannsóknum. Hverjum dettur í hug að byggja öryggisrannsóknir á einungis 90 daga fæðurannsóknum á dýrum og segja að það dugi. Það er algjör klikkun. Og að fjöldi fræðimanna innan Háskóla Íslands skuli ítrekað senda út yfirlýsingar um að genabreytt matvæli séu örugg og handvelja einungis rannsóknir sem sýna svo og eru styrktar af þeim iðnaði sem hefur hagsmuni að gæta fær mig til að stórefast um siðferði og trúverðuleika þessarar stofnunnar. Sama má segja um næringarfræðinga sem nánast undantekningarlaust taka afstöðu með genabreyttum matvælum. Svei ykkur.
Það sem gerir þetta síðan enn sorglegra er að yfirvöld eru ekkert að gera til að framfylgja þeim reglugerðum sem segja að merkja beri matvæli sem innihalda genabreytt innihaldsefni en nýleg könnun sýndi að 9 af 12 matvælum sem valin voru handahófskennt voru ekki merkt í samræmi við þessa reglugerð. Sem er vissulega gróft brot á valfrelsi almennings.